老友狗狗安樂窩係由Auntie Helen一人創辦嘅狗場，收留一啲喺流浪嘅狗狗。狗場一直由Auntie Helen一人打理，間中會有少數義工幫忙。雖然資金唔多，但Auntie Helen都一直致力照顧狗狗，令佢哋過啲比較安穩嘅生活。

​

狗場運作幾十年，高峰時期收留過多於一百隻流浪狗。Auntie Helen年紀大，所以無用任何社交媒體招募義工。加上唔想對狗場附近嘅原居民造成滋擾而令狗場不能續租，Auntie Helen一直低調。

​

直至2022年，Auntie Helen被診斷出患上癌症，經常進出醫院。自此一邊接受治療一邊照顧狗場，直到2024年四月，Auntie Helen不敵病魔，與世長辭。Auntie Helen遺願係狗場內嘅所有狗狗可以繼續安隱生活，直至百年歸老。

​

Auntie Helen離世後，我哋一群義工決定接手幫忙狗場嘅運作，完成Auntie Helen最後嘅心願。

接手後，狗場遇過好多難關。狗狗們大多年紀過十，相繼生病，昂貴嘅醫藥費用令到狗場本來已經唔多嘅資金儲備更加緊絀。加上狗場日久失修，之前嘅暴雨令狗場部分屋頂損毁導致漏水，需要進行維修。幸好每次都有好心人伸出援手，幫狗場渡過場場難關。

​

小時照顧狗狗。至今狗場淨番二十隻狗狗，為咗繼續提供基本嘅生活條件同飲食，比狗狗安隱地渡過餘生。我哋決定開始公開籌款，希望能夠大家可以支持狗場運作，至到最後一隻狗狗踏上彩虹橋。